Doni të kryeni studimet e larta në Austri?

Universitetet në Austri

Pasi keni përfunduar një arsim të përgjithshëm ose profesional ju mund të studioni në disa institucione të arsimit të lartë të cilat i ofrojn

• Universitetet publike
• Kolegje (Fachhochschulen)
• Fakultetet e shkencave të aplikuara (pas akreditimit të programeve në kolegje)
• Universitetet private (pas akreditimit)
• Kolegjet universitare për edukimin e mësuesve
• Kolegje në fushën e mjekësisë të nivelit të lartë, etj.

Austria ka shumë institucione cilësore të arsimit të lartë. Gjuha e studimeve zakonisht është gjermanishtja, por shumë universitete ofrojnë edhe kurse në gjuhë tjera. Shumica e universiteteve ofrojnë programe për studime bachelor nga 6-8 semestra, programe master nga 2-4 semestra dhe programe doktorature me së paku 6 semestra.

Duke përfunduar një diplomë universitare ju mund të vazhdoni studimet për të marrë shkallën më të lartë të mundshme (ISCED 6), e cila është shkalla e doktoraturës ose PhD. Për më tepër, ka një numër të institucioneve arsimore të cilat ofrojnë programe studimore të tipit universitar.

Pranimi në institucionet e nivelit të lartë kërkon një diplomë si dëshmi që keni përfunduar shkollën paraprake dhe në varësi të programit në disa raste bëhet edhe provimi pranues. Provimet pranuese janë të nevojshme sidomos për studentët që dëshirojnë të regjistrohen në studimet e mjekësisë, stomatologjisë, veterinarisë dhe psikologjisë ku vendet e studimit janë të kufizuara

Viti akademik në Austri fillon më 1 tetor dhe përfundon më 30 shtator vitin e ardhshëm dhe përbëhet nga dy semestra dimëror (1 tetor-30 janar) dhe veror (1 mars - 30 shtator). Në Austri ka mbi 2.000 programe universitare në rreth 70 institucione të larta.

Si të aplikoni?

Për tu pranuar në ndonjë program, duhet ta kontaktoni institucionin e cila ofron atë sepse regjistrimi është i ndryshëm varësisht nga institucioni.

Sa kushtojnë studimet?

Për studentët e Austrisë dhe të BE-së, vitin e parë nuk paguhet participimi, ndërsa nga viti i dytë studentët paguajnë 363 euro për semestër. Për studentët e shteteve tjera nevojitet leja për studim, gjegjësisht viza. Participimi për një semestër është 726 euro.

Pjesëmarrja në unionin studentor kushton 17,50 euro për semestër dhe është e obligueshme për çdo student.

Ndihma financiare

Ndahen bursa nga më tepër institucione. Të gjitha mund të gjenden në www.grant.at, ku mund të kërkohen bursat dhe grantet sipas shteteve.